如題，其實我都唔知自己有無責任？
講下背景先：我已經成四十幾歲人，皮膚情況真係由細到大到差，中學差到而家都無咩改善，以前就係萬年暗瘡，爆瘡爆到爛面，而家成面粒突洞！真係慘過馬明！其實真係好似又無人知馬明喺邊度搞好塊面架喎，因為佢之前好似唔係呢間MSC既代言人？
anyway，無論如何我都落左MSC搭，老老實實成面粒突洞既男人之中，最出名個個應該都係馬明啦？邊個唔想好似馬明咁修復得咁好先係咪？而且佢紅既時候都唔後生，皮膚都已經無咁好修復力同膠原蛋白，MSC可以修復到呢個地步都算係咁！
我暗瘡算係好嚴重個隻，兩邊臉全部都係深深淺淺粒突洞，講唔出口其實好鐘意要戴口罩呢兩年幾，因為我終於覺得自己似返個正常人......成日比人話咩男人老狗無所謂，唔係呀，有所謂架！鬼叫呢個世界淨係睇樣咩！
總之，我的起心肝去MSC想去粒突洞，MSC好似療程選擇本身都唔多，去到之後都好好招呼、好nice，感覺真係好專業，而且因為講到明MSC係男士塑型煥膚中心所以都唔會老尷，我上到去好似都見到有其他客等緊......
循例啦，MSC都要檢查下皮膚狀態同睇睇塊面既，咁見到我成面粒突洞就知我係上黎搞粒突洞，另外其實我個鼻樑位、兩邊「權」骨位都有啲一撻撻既色素沉澱，我真係唔知究竟係色斑定係瘡印既色素沉澱......佢地話唔洗驚，因為鉺激光本身都可以打斑架，做完之後包無斑、無痘印，塊面會變得又白又滑喎。
最後決定左做個MSC專去粒突洞既激光療程，好似話用體驗價試做一次先定點，都岩呀，試左一次先睇下岩唔岩我先......
雖然個 FOTONA 鉺激光打落去係吉吉地，但無咩大感覺既，都可以接受......打完之後塊面好熱，但都有即時紓緩降溫返，最後搽埋少少野就可以走，真係好快好方便，我一做完已經有啲想買個Plan，不過都係要睇定啲先......
……好彩個陣我無買咋！
我返左去頭兩、三日，哇真係成塊面光左好多、亮左好多，雖然仲未睇到粒突洞有咩大改善，但覺得自己搵岩左方向所以都好開心，啲黑黑紫紫既印一無左之後，皮膚睇落真係好好多......但都只係維持左三日度，之後我就「反黑」，仲反黑得好嚴重，塊面污糟曬！睇落去成塊面勁污糟！勁樣衰！
本身有印既地方更加深色，而且邊緣無以前咁模糊，都幾明顯架，而本身無印既地方都出埋斑......成件事真係嚇死我！我立即影相打去比MSC問，佢地話即刻處理同比專業人士睇下，之後覆返我喎應該我本身有荷爾蒙斑，做激光既時候將底層潛藏既黑色素扯左上黎呀......佢地話呢個情況都有喺MSC其他客人身上發生架，叫我做果酸可以快啲改善。
其實我上網做左功課之後都覺得應該係咁，但見過鬼我都怕黑，所以就婉拒左佢地既好意，決定另謀出路，唔係我唔信MSC佢地定點（佢地仲緊張過我啦！佢地都唔想我壞左佢地MSC聲譽！），但真心覺得可能個度同我氣場不合(?)，所以先會咁黑，我都係轉下場好啲.....
Perfect Men 一日洗版N次個暗瘡分手療程
Perfect Men呢個真係洗版洗到你根本搵唔到其他男士暗瘡療程，我睇左好耐佢地咩叫醫學研發精華？咩叫真空磨皮？點解可以改善埋粒突洞？
因為唔敢再掂任何有光既野，激光、彩光個啲，真係見過鬼都怕黑！因為真係好想快啲搞走啲色素（荷爾蒙斑？痘印？），我上網睇呢個其實就係Aqua peel，用個支咩醫研精華其實就係果酸水，ok喎，因為呢間野就專搞暗瘡同粒突洞既，同埋聽MSC個邊話我要用果酸呀嘛......
因為Perfect Men個暗瘡分手療程其實有免費試做，唔係體驗價而係免費試做，所以我都想直接上去聽左佢地意見先，睇下佢地班專業人士點講都好呀嘛！咁其實預約都好方便，只不過1分鐘既事。個日去到之後都見到有好多男人喺度等入房，大家都戴曬口罩，所以其實唔係好知佢地咩料......係做面定係做Body……
去完櫃檯講完之後就好快有顧問黎執我，然後帶我去面談同做皮膚檢測，我講左MSC單野比佢地聽，佢地都認同應該係激光令荷爾蒙斑或者皮膚底層既黑色素扯左出黎，都建議我做果酸......話做暗瘡分手療程可以慢慢令新陳代謝加快、「鏟走」最外面個層同埋改善下粒突洞（不過佢地都好直白講，主打係去痘印、防暗瘡去暗瘡，粒突洞要用入侵性療程搞架，好似皮秒激光同Co2、仲有射頻微針或者注射透明質酸）不過因為而家我啲斑仲勁過咩，所以決定搞左呢樣先......
於是就去試做，全部都好舒服，唔痛既，仲有真空機頭啜啜下，感覺好似黑頭白頭同污槽野都會被吸曬出去，成塊面濕濕地咁囉......其實都好快做完全塊面就走得。做完之後真係覺得塊面乾爽左好多，睇落去又白、摸落去又滑，總之覺得十分乾淨啦......而且都應該有啲控油效果，因為塊面乾爽既情況都last左兩日度.....連同事都話我塊面乾淨左好多，但等陣先，見過鬼都怕黑，真係好驚塊面好左幾日之後又出咩事！
但做完個次免費試做既Perfect Men暗瘡分手療程之後，我覺得啲色素定色斑都淡左好多......而且亦都無任何反撲，同親友傾左佢地都覺得ok啦，平平地一個月上去做一次，當深層清潔、補濕或者去斑都好呀，仲可以慢慢褪走色斑同令粒突洞無咁礙眼，因為微分子果酸可以刺激膠原蛋白增生呀，所以可以令皮膚變厚，令粒突洞變平啲囉.....
總之，呢件事我都唔知自己有無責任？無所謂啦！寫出黎都係為左warn下大家，總之如果你懷疑自己有荷爾蒙斑，唔好膽粗粗就直接去打激光先，因為有啲人打激光可以清斑、有啲人就會好似我咁，反而扯到皮膚底層既黑色素出黎，搞到色斑更加明顯呀......
希望各位暗瘡友都引為戒，因為人到中年可能又成面粒突洞、又有荷爾蒙斑，兩樣野混合令你好似花面貓咁！我而家都一步又一步，慢慢又慢慢咁恢復返，希望快啲可以變返乾淨啲，共勉之！
留言列表
